Skip Navigation Links
Kurmancî
سۆرانی
Svenska
Skip Navigation Links
Destpêk
FKKS
Aktuel
Video - Foto
Komeleyên endam
Kontakt
Link
Arşîv
| Webmail |
Skip Navigation Links
 
BI HÊVÎYA SALEK ŞAD Û BEXTEWAR
2021-01-05 08:00
FKKS
fkks@info.se
Sala 2020 ´an ji bo cîhanê û bi taybetî jî ji bo gelê Kurdistanê baş derbas ne bû. Şer, pevçûn, dagîrkerî, heps û zîndan ne bes bû, vîrusa kambax Covid 19 jî bi serda hat.

Ji hemû van bûyer û karesatana, xesara herî mezin gelê Kurdistanê dît. Ew jî ji bêdewletbûn û bê tifaqîya me bû. Bi kurtî gelê Kurdistanê ji sala 2020´an jî tu xêr ne dît.

Ev rewşa, ji gelê Kurdistanê dibêje ku Kurdo ji hemû wextan zêdetir pêvîstiya we bi yekitiyê heye, mala xwe yek bikin.

Girîngîyek mezin bidin bo yekrêziya netewî û nîştimanî ya Kurdistanê. Li hember erîşên dewletên dagîrker yek deng bin. Bi kar û xebatên xwe ve zemîna erîşê ji bo dewletên dagîrkerên Kurdistanê xweş nekin.

Pirsgirêkên xwe yên navxweyî, bi berpirsiyarî û bi hestiyariyek mezin, bi riya diyalogê çareser bikin.

Bi hêviya ku sala nû ji bo Cîhanê û bi taybetî jî ji bo gelê Kurdistanê azadî û aşîtiyê bîne.

Bo hemû mirovatiyê jiyanek şad û bextewar temenî dikin.

31.12.2020
FKKS
Federasyona Komeleyên Kurdistanê li Swêd