هەرگیز هەڵەبجە لەبیر ناکەین

2025/3/16 – 1988/3/16

 تاوان و ستەمەکانی ڕژێمی بەغدای لەناوچوو زامێکن لەجەستەی نەتەوەکەماندا هەرگیز ساڕێژ نابن . یــەكێك لەو تاوانــانەی كــە هەستی مرۆڤایەتی هەژاند ، 16 ی ئاداری1988 بوو کە ڕژێمی بەعسی فاشیست شاری هەڵەبجەی کیمیاباران كرد کە لە مێژوودا بە گەورەترین تاوانی دژ بە مرۆڤایەتی دادەنرێت . لە ئەنجامی ئەو تاوانە زیاتر لە 5000 هەزار ژن و منداڵ و گەنج و پیر شەهید بوون و بەدەیان هەزاریش بریندار و ئاوارەبوون !

حکوومەتی فیدراڵی عێراق لەساڵی  (2010) کیمیابارانى هەڵەبجەی وەک تاوانى جینۆساید ناساند ، بەڵام مخابن تاوەکو ئێستا هیچ هەنگاوێک بۆ قەرەبوکردنەوەی خەڵکی ئەو شارە نەکەوتۆتە بواری جێبەجێکردنەوە  .

لە یادی 37 مین ساڵوەگەڕی شەهیدكردنی هەڵەبجەی بووکی كوردستان ، بەتوندی ئەو تاوانە ڕێسوا و شەرمەزار دەکەین و هاوخەمی خۆشمان بۆ خانەوادەی قوربانیانی ئەو تاوانە گەورەیە دەردەبڕین .

سەری رێز و نەوازش بۆ شەهیدانی هەڵەبجە و گشت شەهیدانی رێگای رزگاری كوردستان دادەنەوێنین .

فیدراسیۆنی کۆمەڵە کوردستانیەکان لە سوید