فیدراسیۆنی کۆمەڵە کوردییەکان لە سوید هێرشی ئێران شەرمەزار دەکات

فیدراسیۆنی کۆمەڵە کوردستانیەکان لەسوید بەتوندی ئەو هێرشە  تیرۆرستیەی سوپای پاسدارانی ئێران  بۆ سەر هەولێری پایتەخت ڕیسوا و شەرمەزار دەکات کە لەئاکامدا ژمارەیەک لەخەڵکی سڤیل شەهید و بریندار بوون .

دوژمنان و ناحەزانی کورد چاویان بەو پێشکەوتنانەی هەرێمی کوردستان هەڵنایە بەتایبەتی هەولێری پایتەخت کە بۆتە مەڵبەندێکی بازرگانی و دیپلۆماسی ، ڕەوشی ئێستای کوردستان ، یەکڕیزی و یەکدەنگی و یەکهەڵوێستی پارت و لایەنە سیاسیەکانمان لێدەخوازێ ، چونکە تەنیا یەکڕیزی ماڵی کورد زامنی پاراستن و مانەوەی ئەو قەوارە یاسایی و سیاسیەیە کە بەخوێنی هەزاران شەهیدی سەربەرزی گەلەکەمان هاتۆتە بەرهەم

ئێمە وەک فیدراسیۆنی کۆمەڵە کوردستانیەکان پرسە و سەرەخۆشی لەخۆمان و گەلەکەمان و خانەوادەی شەهیدانی ئەو کارە تیرۆرستیە دەکەین و هیوای چاکبوونەوەش بۆ بریندارەکان دەخوازین .

نەمری و سەربەرزی بۆ شەهیدانی کوردستا

فیدراسیۆنی کۆمەڵە کوردستانیەکان لەسوید

2024-01-16