فیدراسیۆنی کۆمەڵە کوردستانیەکان لەسوید پیرۆزبایی نەورۆزتان لێدەکات

بەڕێزان ، ئەندامان وهەموو کوردان لە جیهاندا..پیرۆزبایی نەورۆزتان لێئەکەین ،  ئێمە ئەمڕۆ بەشایی و هەڵپەرکێ نەورۆز پیرۆز دەکەین و پێشوازیش لە سەری ساڵی نوێ 2724دەکەین ، کورد خەباتێکی زۆری لەپێناو بەدەستهێنانی مافەکانیدا کردوە و نەورۆزیش  هێمای یەکگرتن وبەردەوامیە بەو خەبات و تێکۆشانە .

نەورۆز ڕۆژی سەرکەوتنی کاوەی ئاسنگەرە  بەسەر ئەژدەهاکی خوێنمژ و ڕزگارکردنی گەلەکەیەتی لەدەست زۆرداری و چەوسانەوە ، کورد ئەمڕۆ لەژێر دەستی چوار وڵاتی داگیرکەر دەچەوسێندرێتەوە( تورکیا ، ئێران ، عێراق وسوریا ) وە بەتاوانی کوردبوونیانەوە زیندانی دەکرێن و لەسێداە دەدرێن ، ئەمڕۆ پێویستیمان بە کاوەیەکی مۆدێرن هەیە تاوەکو بتوانێ گەلی کورد لەو ژێردەستیە ڕزگار بکات .

سوپاس بۆ هەموو ئەندامانی فیدراسیۆن کە زۆر دڵسۆزانە پشتگیریمان دەکەن و ئەمەش هاندەرێکە بۆ ئەوەی زیاتر خزمەت بکەین و شانازیش بەو هەموو دڵسۆزی و پشتگیریانەش دەکەم ، هیوادارین هەموو بەیەکەوە و بەهەستێکی کوردانە و نەتەوەییانە لەخزمەتی گەل و نیشتیمانی خۆمان بین .

دووبارە نەورۆز پیرۆزبێت و ساڵی نوێشتان هەردەم ساڵی خۆشی و شادی بێت .

لەگەڵ ڕێزماندا

بەرزان کۆچکەیا

سەرۆکی فیدراسیۆنی کۆمەڵە کوردستانیەکان لەسوید