پەیامەکانی FKKS

ئێمە لە فێدراسیۆنی کۆمەڵە کوردییەکانی سوید، بە هەستی بەرپرسیارێتی نیشتمانی و مرۆڤایەتییەوە، هێرشی درۆنی و مووشەکییەکان بۆ سەر بارەگای کۆمەڵەی شۆڕشگێڕی زەحمەتکێشانی کوردستان لە سنووری پارێزگای سلێمانی بە توندی ئیدانە دەکەین. بەداخەوە، لە ئەنجامی ئەم هێرشانە ژمارەیەک لە پێشمەرگە قارەمانەکان چونەریزی نەمران هەندێکیکیشیان بریندار بوون.

ڕۆژی 21 ی مانگی شوباتی هەر ساڵێک ڕۆژی جیهانی زمانی دایکە کە گەلانی جیهان بەچالاکی جۆراو و جۆر پێشوازی لێدەکەن و ئەو ڕۆژە بەرز و پیرۆز ڕادەگرن  ، لەجیهاندا شەش هەزار زمان هەیە و زوربەیان مەترسی لەناوچوونیان لەسەرە  ، بۆیە تەنیا قسە بە 100 زمان دەکرێ و زمانی کوردیش لەڕیزبەندی 59 یەمین زمانی جیهاندای .   

پیرۆزبایی کۆنگرەی پێنجەمی یەکێتی نیشتیمانی کوردستان فیدراسیۆنی کۆمەڵە کوردستانیەکان لەسوید ، بەبۆنەی سەرکەوتنی کۆنگرەکەتان ، پیرۆزباییەکی گەرم لە ئەندامان و بەتایبەتیش بەڕێز بافل تالەبانی سەرۆکی یەکێتی نیشتیمانی کوردستان دەکات ، هیوادارین یەکڕیزی ماڵی کورد و یەکدەنگی و یەکهەڵوێستی پارت و لایەنە کوردستانیەکان خاڵێکی گرنگی لەبەرچاوگرتنی کۆنگرەتان بووبێت ، چونکە تاکە میکانیزمە بۆ بەدەستهێنانی مافە ڕەواکانی گەلەکەمان و هۆکارێکیشە بۆ پاراستن و پێشکەوتن و سەقامگیری ئەو قەوارە سیاسیەی کە بەخوێنی هەزاران شەهیدی سەربەرزی گەلەکەمان هاتۆتە بەرهەم . دووبارە پیرۆزە و هەر سەرفراز و سەرکەوتوو بن بۆ خزمەت کردن بەگەل و نیشتیمان .   فیدراسیۆنی کۆمەڵە کوردستانیەکان لەسوید

فیدراسیۆنی كۆمەڵە كوردستانیەكان لە سوید بە توندی سەركۆنەی هێرشەکانی هێزە ئەمنیەکانی عێراق دەکات بۆ سەر خۆپیشاندەرانی کورد لە شاری کەرکوکی باشوری کوردستان ، کە بووە هۆی گیان لەدەستدانی چوار کەسی بێتاوان و ژمارەیەك برینداریشی لێكەوتەوە   

40 ساڵ لەمەوبەر لەلایەن ڕژێمی بەعسی فاشیست ، زیاتر لە 8000 بارزانی لە گەنج و پیر و پەک کەوتە ، لەتەمەنی 7 ساڵەوە بۆ 80 ساڵ ڕەشبگیری کران و لەبیابانەکانی باشووری عێراق زیندەبەچاڵ و کۆمەڵکوژ کران .

فیدراسیۆنی کۆمەڵە کوردستانیەکان لە سوید هێرشەکەی تورکیا بۆ سەر فڕۆکەخانەی نێودەوڵەتی سلێمانی لە 7 نیسان 2023 ، ڕیسوا و شەرمەزار دەكات ،وە داوا لە تورکیا دەکات خۆی بەدووربگرێت لە توندوتیژی و لە جیاتی ئەوە کار بۆ چارەسەرێکی دیپلۆماسی بکات بۆ كێشەو ناکۆکییەکان.