78´e mîn Salvegera Şehîdbûna Pêşewa Qazî Mihemed

Îro 78´e mîn salvegera bidarvekirina pêşewa Qazî Mihemed e. Qazî Muhemed, di 31ê Adara sala 1947´an de li meydana Çarçir li Mehabada paytexta Komara Kurdistanê ku tê de Komara Kurdistanê hate ragihandin û ala Kurdistanê hate bilind kirin, li heman cîhê hate bidarvekirin.

Qazî Mihemed di sala 1900´î de li bajarê Mehabadê yê Rojhilata Kurdistanê,hatiye dinyê. Ji malbateke olî, welatparêz û rewşenbîr e. Di sala 1941ê de bû endamê Cemiyeta Vejîna Kurd û piştre Partiya Demokrata Kurdistana Îranê damezrand.

Qazî Mihemed di sala 1946´an de li meydana Mehabadê ala Kurdistanê bilind kir û Komara Kurdistanê îlan kir. Lê mixabin di 16´ê Kanûna 1946´an de komarê hilweşiya, dema Pêşewa xatir ji general Mistefa Barzanî xwest, ala Kurdistanê spart wî, ku niha li her derê Herêma Kurdistanê bilind û pîroz e.

Qazî Mihemed di 31’ê Adara 1947’an de li meydana Mehabadê ya ku komarê lê îlan kiribû, tevî çend hevalên xwe hate îdamkirin.

Tevî ku temenê komarê kêmî salekê bû jî, Komara Kurdistanê bû, di dîroka bizava rizgarîxwaza Kurdistanê de xaleke werçerxanê ye û Kurd dê herdem pê serbilind bin.

Serwerî bo Pêşewa nemir û serbilindî bo Komara Kurdistanê

Federasyona Komeleyên Kurdistan li Swêd