Em Helebçeyê tu carî ji bîr nakin

16.3.2025 – 16.3.1988

Tawan û zordariya rejîma wêrankirî ya Bexdayê birînek e di laşê miletê me de ku qet sax nabe. Yek ji wan sûcên ku hestên mirovahiyê hejand 16’ê Adara 1988’an bû ku rejîma Baas a faşîst bajarê Helebce bi kîmyabaran kir ku weke mezintirîn sûcê mirovahiyê di dîrokê de tê dîtin.

Di encama vê tawanê de zêdetirî 5 000 jin, zarok, ciwan û kal şehîd bûn û bi deh hezaran jî birîndar û koçber bûn!

Hikûmeta federal a Iraqê di sala 2010ê de kîmyabarana Helebce wek tawaneke jenosîdê nas kir, lê mixabin heta niha ti gav ji bo qerebûkirina xelkê bajêr nehatiye avêtin.

Di 37´e mîn salvegera şehîdên Helebçeyê bûka Kurdistanê de, em bi tundî vê tawanê şermezar dikin û sersaxiyê ji malbatên qurbaniyên vê tawana mezin re dixwazin.Em bejna xwe li hember şehîdên Helebce û hemû şehîdên tevgera rizgariya Kurdistanê ditewînin.

Federasyona Komeleyên Kurdistan li Swêdê