99 emîn Salvegera Îdamkirina Şêx Seîdê Pîran û Hevalên Wî
Federasyona Komeleyên Kurdistan li Swêdê, bîranîna 99 e mîn salvegera Şêx Seîd û 46 rêhevalên wî yên ku berî 99 salan ji aliyê hêzên dagirkerên Tirk ve hatin îdamkirin, bi bîr tîne.
Ev roj di dîroka kurdan û têkoşîna wan a azadiyê de bûyereke trajîk e.
Şêx Seîd pêşeng û sembola berxwedana gelê Kurd a li dijî rejîma dagirker bû û ji bo azadiya gelê xwe têkoşîn daye.
Ew ji bo nifşên nû yên Kurdan, bû sembola û wêrekî û dilsoziyê ku em wî her tim bibîr tînîn.
Federasyona Komeleyên Kurdistan li Swêdê, zordestiyê dagîrkeran ku di van salên dawî de li Kurdistanê rû dide û ji mafên wan bêpar kirine, bi tundî şermezar dike.
Em bang li civaka navneteweyî dikin ku mafê çarenûsî yê kurdan nas bikin û piştgiriyê bidin xebatên wan ên ji bo aştî û edaletê.
Di rewşa dijwar a îro ya Kurdistanê de pêwîstiya me bi yekrêziya nav mala Kurd heye, ji ber ku yekrêzî bihêztirîn çeka li hember dijminan e.
Nemirî û serbilindî ji bo şehîdên Kurdistanê
Federasyona Komeleyên Kurdistan li Swêdê
2024-06-29
